Ауған соғысының аяқталғанына – 29 жыл
 
                     Байқадам орта  мектебіңде Ауғанстан  соғысының аяқталғанына 29 жыл  толуына байланысты іс-шаралар жоспары құрылып, жоспар бойынша жұмыстар атқарылды. 9 жыл 51 күнге созылған Ауған соғысының аяқталғанына биыл 29 жыл толды. 1979 жылдың 29 желтоқсанында КСРО қарулы күштері Ауғанстанға басып кіріп, соңы ұзақ соғысқа айналды. Оған Қазақстаннан 22000 адам аттанып, 800-ге жуығы қаза болып, өз жеріне қайтып келмеді. Осыған орай мектебімізде «Мәңгі біздің есімізде» атты суреттер көрмесі  ұйымдастырылып,«Мен алғыс  айтамын! »  тақырыбында  флэш-моб жүргізілді.Сыныптар арасында ашық тәрбие сағаттарын сынып жетекшілер  өткізді. Сағанаева К.К 7-сынып оқушыларымен «Ауған соғысы жайлы не  білеміз», «Ауғанстан жүректегі жара» атты  тәрбие  сағаттары өтті. Ахмет Айдана ашық   тәрбие сағатында жерлесіміз Алпысбаев   Беркут Далабайұлы 1981-1983 жылдар аралығында Ауғанстандағы соғыста болып,  сұм соғыстың барлық  қиындықтарын басынан өткізген жерлесімізді және Ауған соғысында қаза болғандарды   бір минуттық үнсіздікпен еске алып,гүл шоғын қойды.Мектебіміздің   оқушыларының қатысуымен «Жүректен жүрекке» қайырымдық концерттік  бағдарламамен жалғасын тапты. Ауған  соғысының  аяқталғанына 29 жыл толуына  орай  аудандық спорттық шараға қатысып,  шағынфутболдан  мектебіміздің оқушылары ІІ орын алса,  ал дене шынықтыру пәнінің мұғалімі Жұмахмет Ергелді ең үздік ойыншы номинациясы бойынша мақтау грамотасымен марапатталды.