2018-2019 оқу жылының 10 қаңтар – 10 ақпан аралығында «Қамқорлық» қайырымдылық  акциясы басталды.Осыған орай , Байқадам орта мектебінде «Жүрегім толы мейірім» қамқорлық қайырымдылық акциясы өткізілді. «Жүрегім толы мейірім» қайырымдылық қамқорлық акциясының негізгі мақсаты: жас ұрпақтың бойына адамгершілік, ізгілік, қамқорлық, қайырымдылық   сияқты  асыл қасиеттерді  бойына дарыту мақсатында әлеуметтік жағынан қорғалмаған және күнкөрісі төмен отбасыларынан шыққан  оқушыларға материалдық көмек көрсету.Айлық кезінде мектеп ұжымы жомарттық танытып,әлеуметтік жағдайы төмен ,көп балалы , аз қамтылған отбасының  оқушыларына ақшалай көмек көрсетті.Оқушыларды  қажетті оқу құралдарымен қамтамасыз етті.Сонымен  қатар,танымдық қызығуышылықтарын арттыру мақсатында оқушыларды облыс орталығындағы «Сарыарқа»кинотеатрына апарды.Айлық барысында «Адамгершілік-асыл қасиет» тақырыбында 1-11 сыныптар арасында сынып сағаттары өткізілді.Сынып сағаттарында оқушыларға адам бойындағы асыл қасиеттерді бағалап,үлкенге құрмет ,кішіге ізет көрсетіп жүрулері айтылды.Мектебіміздегі «Жасұлан» ұйымының мүшелері  ауылымыздығы жалғызбасты қарияларға барып көмектесті.Ауласындағы қарларды тазалап,отындық ағаштарын тасып берді. Қайырымдылық  акциясын ұйымдастырған мектеп ұжымына ата-аналар,ізгі ниет,ақ тілектерін айтып,ризашылықтарын білдірді.        Қайырымдылық –адам жанының нұры болып табылмақ. Сондықтан, зәру жандарға көмек беру-қайырымды іс болып табылады.